Ka Star Cement Ltd, Lumshnong East Jaintia Hills ynne ka sngi ka 17 tarik da e yarap ko cha ki 75 tylli ki manyung kiwa dooh wa duk kiwa em ha chnong Sonapyrdi, Elaka Narpuh East Jaiñtia Hills.
Da saam ko ya u khoo, u dai, phniang baam, blooh wa kiwi kiwi de kiwa emkaam ha yung ha sem.
Ha chwa wow saam ya kini ki tiar marbaam da yoh ya i klam wa tbian na u General Secretary ka chnong Sonapyrdi u Daiapherbha Lamare, uwa da pynsñiaw yei sñiawngooh ya ka Star Cement wa ya u Emlangky Lamare uwa man u Local MDC ka thaaiñ kiwa da smat u e yarap ya ki bru wa dooh wa duk yong ka chnong.
Da yaroh u leh ya u Local MDC wa ya kiwa pynlai ka Star Cement wa ha i por wa tbian da pdiang ki ya i kyrpaad yong oo wow e yarap ya ki bru ka chnong.
Neiliang ki paidbah da pynsñiaw ki yei sñiawngooh ya u General Secretary ka chnong uwa thooh laad thooh luti hei wow yarap ya ki bru wa dooh wa duk yong ka chnong khamtam ha kam kini ki por yong ka Lockdown wa boon ki bru wa mylla sngi da chem jynjar ki.
Discussion about this post