Jowai: Ka Village Organisation (VO) Rud Umplu, West Jaiñtia Hills, kawi na ka seiñ Self Help Group wada seiñ nadooh ka 6 Naisan 2019, wei hapoh i pait i yoo yong ka ki ynru tylli ki SHG wa em hapoh ka chnong Umplu da leh ko chiboon ki kaam wa bha hapoh ka chnong, kam i booh Signboard yow wanrah yei khooid i jngiar haki umbaam umdih nalor wa jooh chim bynta ko leh u kynmoo warom ya ka sngi kyrpang ki manbei namo ka International Women’s Day.
Neitæ nalor kini, ki kaam wa khroo wada e yarap won ko ya ki manbei wa em hapoh ka VO kiwa maad yei eh i khoo ha kini ki por wa em ka Lockdown wa la chibnai tam, kynthup i yarap kam u khoo 6 kilo, u syllah 2 kilo, chini 1 kilo wei sabon chisong cha ki 20 tylli ki man yung wada jied da ka VO.
Ka Janda Dkhar, President VO Rud Umplu da ong ko wa yeini i e yarap cha ki manbei da leh neidaw wym yoh de ki u lai mylla lai khih kamwa jooh.
Heijooh i por e khublei haroh ko ya ka BDO Thadlaskeiñ wa lyngba ka NRLM (National Rural Livelihood Mission) yoh ki chiboon i myntoi.
Kamjooh leh da e khublei ko ya kiwa krehkaam yong ka kiwa da kreh chitom ki u pait yei bha i miat wow yarap ya ki manbei kiwa chem chitom kam heini i por.
Discussion about this post