Ka World Mission kawa man leh kawi ka seiñ Mission kawa e yarap ha chiboon tylli ki chnong kiwa da yoh yarap naka hapoh u pood yong ka Khasi-Jaiñtia. Sa chisien ka World Mission da e ko yaki kti wow yarap yaki bru kiwa dooh wa duk kam heini i por wa em ka Lockdown la kamwa chibnai tam.
Ka World Mission dei mynsien wa sñiawkhia neidaw wym yoh de ki bru u lai khih lai kreh kam heini i por iwa da ktah ya kiwa boon ki yung wa dooh wa duk da em ki hei eh i saja u pyndap baam ha yung ha sem. Neitæ i daw chim ko ya kani ka laad e yarap deiwa saam ko chaki 31 tylli ki iung wa em hapoh ka chnong Khanduli kamwa 527 kilo u khoo, 93 kilo u salah, 31 kilo i chini wa 31 tylli ki yusong (Packet) slacha cha waroh ki 31 tylli ki manyung.
Da leh ya ini deiwa emlang u waheh chnong u Y. Nongspung, Tbn A. Wanniang wa u Tbn I. Kharkhongor.
Da yoh leh yei klam na ka Phrangki Pala kawa man ka Secretary, i ngooh Blai naka A. Lyngdoh. Khaddooh da yoh leh i kyrkhu kyrdoh wei sñiawngooh na u waheh chnong ka Khanduli u Y. Nongspung.
Discussion about this post