Jowai: Kam heni i por da chem chitom bha ki paidbah khamtam kiwa khih na kti ha ktien neidaw wa em ka Lockdown neibynta ka yakhun pyrchah ya ka khlam u COVID-19.
Heini i por da em le ngut ki khon khynroo ka chnong Mooshrot, West Jaiñtia Hills wa kynthup ya u Thrangmiki Suchiang, u Rimiki Lathong wa u Teimiki Tyngkan ha kini ki sngi wa dadep da mih ki chaphrang wow yarap ya ki ki ar tylli ki manyung kiwa da chem chitom bha ha ini i por.
Kini ki khynroo hawa e yarap da kwah ki leh wow man ko kam ka dak wow pynchlur ya kiwi wow wan ki chakhmat wow e yarap cha kam kini ki manyung wa dooh waduk ha ka chnong.
Neiliang yong ki da kyrpaad ki leh ya ka sorkar wow pyllait smat ya ka poisa wa T. 1,000 chi tayaw kawa da kular ya ki wei da kyrpaad joor leh ya kiwa mihkhmat nadooh MDC wa u MLA wow wan chakhmat wow smat u e yarap khamtam heini por.
Neiliang u Secretary chnong, u Sanladky Lyngdoh da e khublei u wei da sñiawngooh u leh ya kini ki le ngut ki khynroo wa da johkhe ki u pyrkhat wow leh ya ini i kaam wa bha.
Discussion about this post