Ynne ka sngi ka Loom Soo Iung Newhill Jowai ha i yah luti u Waheh Chnong wa u Secretary Chnong hajrong i kitkhlieh wa sñiawkhia heiyatoh ka yap ka im yong ka jylla waroh kawi khamtam yong ki artylli ki District hapoh ri-loom Jaiñtia na i daw wa ktah yong ka khlam COVID-19 da lai e sñiawbha ki ha u Deputy Commissioner yong ka West Jaiñtia Hills District u Garod LSN Dykes, T. 50,000 cha ka Chief Minister COVID-19 Relief Fund.
U waheh chnong ha i klam yong oo da sñiawkhia joor u ya ini i man i long hapoh ka District yong i khamtam hawa pait wa boon na kiwa chong chnong hapoh West Jaiñtia Hills chem jinjar ki ym du i yaleh pyrchah ya uni u khñiang wot ha i pyndap pynbiang baam ha yung ha sem yong ki iwa da man iwa ktah chooh chooh ya ka District yong i, kamtæ dei mynsien wa sñiawkhia, kam ka chnong Loom Soo Iung newhill Jowai da chim ki ya ka rai wow yarap synniang cha ka chnat sorkar khnang wow rap suk ka sorkar u pyndap pynbiang ya ka District kat i bor wa ye ko, heijooh i por da kyntu leh ya kiwi ki lok wow ya chimbynta lang ha kani ka yaleh hanla ym toh da ka poisa, ye u leh da ki kaam wow ya krehlang wa ka sorkar khnang wa uni u khñiang ym yoh laad u psiah lane u poor hapoh ka jylla yong i.
Da pynkynmoo chooh u ya kiwa chong chnong wow man ki kiwa ya krehlang deiwa chong ha ki yung yong ki kat wym pu pynbna ka sorkar da kiwi ki kyndon.
Neiliang won ka Tympang Iawmusiang Dorbar Chnong, Jowai da e yarap ko T. 1,10,000 cha ka Meghalaya Chief Minister’s COVID-19 Relief Fund ynne ka sngi.
Yaka Cheque da ekti ha u DC ka West Jaiñtia Hills da u Eddystone Shylla kam u waheh chnong wa u Ajoy Lywait kam u Secretary Chnong.
Kani man ko ka e yarap kam ka dak wa ka chnong em ko i ka kamram wa kordor hei wow yarap ya kiwa duna wa tymbuiñ kam ha ini i por wa ka pyrthai waroh kawi maad ko yei eh (Crisis) kawa heh kam kani.
Discussion about this post