Ki arngut chi lok na Khliehiongriang, Jowai wa kynthup ya u Kennedy Shylla wa u P. Laloo ynne ka 3 tarik da e yarap ki da ki marbaam mardih kamjooh waka poisa cha ki 13 tylli ki manyung yong ka Khliehiongriang kiwa duna tymbuiñ kiwa ym yoh de u li-khih li-kreh neidaw wa ktah ka khlam COVID-19.
Ya ini i e sñiawbha da pynman ha yung Club ka Khliehiongriang, Jowai.
U Kennedy kamjooh u P. Laloo da pynsñiaw ki yei sñiawkhia mynsien hawa yoo ki ya ki jan yung jansem wa chem chitom ki hakam ini i por wym yohlaad ki u lai khih lai kreh, kamtæ neiliang yong ki da pyrchang ki katwa joh i bor wow yarap.
Neiliang kiwa pdiang yeini i e yarap, da pynsñiaw ki i sñiawkmen wei sñiawburom ya kini ki arngut kiwa heh kiwa yoo yei jynjar chitom yong ki.
E ki leh i kyrkhu kyrdoh wa sarot tam ya ki waroh arngut yow yoh ki dei chait dei tram neini chakhmat yow nang ye chooh chooh ki wow yarap kyllooid mynsien ya kiwa emkaam yarap.
