Da i mynsien wa sñiaw-wyrai, ki chi kurim na ka chnong Lad Rymbai, u Rajesh wa ka kurim ka yong oo ka Trelis Siangshai haka 21 tarik uni u bnai da e yarap ki cha kamwa 40 tylli ki manyung wa dooh wa duk kiwa naka chnong Sutnga kiwa chong wa sah haka dong Syrpoo.
Kini ki chi kurim da e yarap ki da ki marbaam kam u khoo, slacha, chini, phñiang-baam wa i blooh cha kini ki manyung wa dooh.
Ha kani ka sngi ha chwa wow saam ya kini ki marbaam da pynman leh yei ngooh Blai yow pynlait u ya ka jaitbru yong i na kani ka khlam kawa da yoh u yooh kjat ha kani ka ri ka jylla yong i wei wow pyndooh pyndam ya ka chisyndon na kani ka ri ka yong i kamjooh leh ha waroh kawi ka pyrthai.
Neiliang kini ki manyung kiwa da yoh yei yarap, da i mynsien sñiawngooh da e khublei ki ya u Rajesh wa yaka kurim ka yong oo wa da em mynsieñ ki u yarap ya kiwa dooh wa thngan khamtam kam ha kini ki por wa chitom saja wa da em i khang chnong namo ka Lockdown hawa ym yoh de ki u lai khih lai khan wow pyndap pynbiang ha yung ha sem yong ki, da e ki leh yei kyrkhu kyrdoh ya kini ki chi kurim wa u Blai u nang kyrkhu kyrdoh chooh u ya ki hei im yong ki wei wow nang em mynsien chooh chooh ki wow yarap chakhmat ya kiwa suk wa duk.
Discussion about this post