Jowai: Ki dkhot yong ka Meghalaya People United Front (MPUF), East Jaiñtia Hills District, ynne ka sngi ka 30 tarik hei yahkhmat u Kyrshan Blah u President ka Khliehriat Circle, da lai e yarap ki da ki tiar baam wa kiwi cha kawi ka manbei kawa tip pyrtuid kam ka Ibadamon Shylla kawa naka chnong Nongsning, East Jaintia Hills District.
Kani ka manbei da chem chitom ko hadien wa u kurim yong ka da khlaad noh u la kamwa 6 bnai wei da ieh u chadien ya ki 4 ngut ki khon wa dang khian i rta, kamjooh u pa yong ka kawa jooh yoh yarap ko da khlaad noh u na ka pyrthai. Kamtæ kani ka manbei da chem chitom ko wow psa ya ki khon yong ka kiwa dang khian i rta wei wow lai mylla sngi leh da chitom ko neidaw wa hap wow bah lang ya iwi i khon wa dang 6 bnai i rta.
U Kyrshan da ong u wa hadien wa ka seiñ da tip ki chaphang i eh wa maad kani ka mabei da pynman yaka kynchew poisa lang para dkhot wow thied yaki tiar baam wa kiwi de ki tiar yung wa emkaam katwa kot i bor yong ki wow lai e cha kani ka manbei.
Discussion about this post