Ynne ka sngi 21 tarik hapoh i yahkhmat u waheh chnong ka Shangpung Moosyiem, West Jaiñtia Hills da saam da u khoo cha ki 40 tylli ki manyung kiwa emkaam yarap khamtam wa em ka Lockdown neidaw ka khlam COVID-19, wei da thut i kreh, i kamai i kajih ki para wa chong chnong.
Kamtæ da ya pyrkhat wow yarap ya kini kiwa chah ktah, hanla man i iwa kajiak leh.
Ha kani ka sngi da emlang u Waheh Chnong u Richard M Langbang, u Chairman Chnong u Ngaitlang Sutnga, Publicity Secretary u Emondame Langbang chirup lang wa ki dkhot ka chnong u Pyrchang Langbang wa u Waiky Langbang.
Deiwa e yarap ki kattu katni ngut ki waheh yong ka chnong, da ye wow e yarap ya ki 40 tylli ki yung, wei da e khublei leh ya ki waheh kiwa da synniang wa kynthup ya u Richard M Langbang (Waheh Chnong), u Arta Langbang, u Arnold Dhar, u Kynpham Langstang, u Differmind Ymbon, u Wanhamehiwat Ymbon, u Kermi Langbang kamjooh leh ya u BDO Laskien C&RD u Dr. Brightstar Langbang.
“E wa u Blai Kynrad u nang kyrkhu kyrdoh u ya ki yow yoh ki dei chait dei nang, yow biang i khih i kreh yong ki”.
Kani toh katkam ka Wyrta na u Publicity Secretary yong Ka Dorbar Chnong Shangpung Moosyiem.
