Jowai : Ha uni u snem da pynbna ya kiwa boon ki kreh wa lait hapoh ka tnat pulit kiwa kynthup ya ka tnat Armed Branch, Unarmed Branch waka Special Forces SF-10.
Hei yatoh wa ini ki police ka West Jaiñtia Hills hei yahkhmat u SP da sdang ki u lai e sikai cha ki kattu katni ki chnong ka West Jaiñtia Hills District heiwa da dep nyngkong na ka chnong Nartiang wei ynne ka sngi da lai ki cha ka chnong Amlarem yow yarap ya ki khynnah khynroo wa kammon u pynkhreh ki kamjooh leh yow jied ya i kreh wa yatoh wa ki.
Ha kani ka e sikai wa tip leh kam ka ‘Orientation Program on Meghalaya Police Recruitment in Amlarem’ da wan kamwa 50 ngut ki chynrang wa kynthai wa thrang u yoh kreh pulit.
Neiliang ki pulit da klam u P. Syiem, MPS, Dy .SP ka WJH, u D. Khyriem (P) Dy. SP, u I. Kharpran WPSI wa u S. Pariat SI kiwa da batai bniah ya iwa emkaam u pynkhreh yow man i kiwa jop.
Discussion about this post