Ynnin ka 13 tarik, ka Ram Krishna Mission, Sohra Ashram da wan e yarap ki da u khoo 25 kilo wa u dai 4 kilo mar chi yung ki 130 tylli ki yung wa dooh haka chnong Kyndongtuber, West Jaiñtia Hills kiwa da chem yei eh i khoo neidaw ka khang chnong namo ka Curfew wow yada naka kjut khlam COVID-19.
Ya kani ka kaam da mihkhnat da u Manbha Lyngdoh, ka Gitabali Majaw waki para wa krehlang waki.
Chwa u saam yaki marbaam, da yoh ya i sneiñ i kyntu na kini cha kiwa chong chnong yow man ki kiwa syndong wa kiwa lehkhooid yow yada na uni u khñiang wa chyrkhei.
Da pyntip ki leh wa ini i yarap toh nei e sñiawbha na u Secretary ka Ram Krishna Mission Sohra Ashram. Da ong ki leh wow chakri ya u Blai toh deiwa yarap para bru.
Neiliang ka chnong da emlang u Waheh Chnong, u Secretary Chnong, u Secretary VEC wa kiwa ksohkaam yong Dong.
U Waheh Chnong da pdiang sñiawbha u deiwa sñiawngooh ya ini i e yarap ka Ram Krishna Mission Ashram Sohra wa da ye ki u yarap hadooh 130 tylli ki manyung wa dooh yong kani ka chnong. U Waheh Chnong da ngooh Blai u wa ka Ram Krishna Mission u lai ko chaphrang neibynta i tip i stat wei wow yarap ya kiwa em hei kutlaad.
Heipor wa em ka yalang wei hawa saam yaki marbaam, da bood ya i yajngai para bru (Social Distancing) katkam wa da phah ki bor sorkar.
Kani toh ka wyrta wa da phah da u Dasumar Shylla, Secretary Chnong, Kyndongtuber.
Discussion about this post