E yarap poisa ka yung krehkaam u DC cha kiwa chah ktah ha i jia ha Nongspung

Nongstoin: Ka yung krehkaam u DC ka West Khasi Hills da yarap ko ya ka poisa kawa T. 3,23,000 cha kiwa hayung kiwa chah ktah ha i jia tyrrah ka truck ha Nongspung iwa da jia ha ka 26 tarik uni u bnai wa da dep.

Ya kani ka poisa da yoh deiwa pyllang wei e sñiawbha ki na ki seiñbhalang, ki bru samen, ki yungkrehkaam waphær waphær ka sorkar.

Kamtæ da e khublei u DC ya kiwa da e yarap kylloid mynsien hei yatoh wa ini.

Heijooh i por u Prime Minister ka ri da e u T. 2 lak cha kiwa da khlaad wei T. 50,000 cha kiwa mynsoo joor wei ka sorkar jylla da e ko T. 50,000 cha kiwa hayung kiwa da khlaad wei T. 10,000 cha kiwa mynsoo.