Jowai: Ha kini ki sngi wa da dep kiwa e yarap cha ka Chief Minister’s Relief Fund neibynta i chlai um ha ri-loom kamjooh yow pyllang leh yaka poisa lada em biang i ktah i bor ka rymmaw hapoh ka jylla, da wan e yarap poisa nadooh ki MLA hadooh ki bru samen.
Neiliang u Commingone Ymbon uwa man leh kam u montri ka sorkar jylla da e sñiawbha u T. 1 lak cha ka Chief Minister’s Relief Fund.
Ki MLA u Jim Sangma wa u Sosthenes Sohtun leh da yarap poisa ki wei neiliang u Conrad leh da khut u ya kiwi ki MLA wow wan ki chakhmat yow yarap yow pynchna biang ya iwa da dooh na i chlai um.
Da wan e yarap poisa leh naka Rotary Club Jowai. Da yoh yarap poisa leh na ki le ngut chi payu kiwa da e T. 50,000 da ka poisa wa pyllang ki iwa da ktah bha ya i sñiaw u montri rangbah.
Neiliang ka Meghalaya IAS Officers’ Association won da e ki leh T. 2 lakh.
Ka Tura Runners’ Club leh da e yarap poisa ki kam jooh ka Singhania Group kawa da e T. 5 lakh.
U Manoj Lohia, GM Amrit Cements da e kti u ya ka Cheque wa T. 11 lakh cha ka Chief Minister’s Relief Fund.
Neiliang ka Meghalaya State Government Employees Federation da e ki T. 50,000.
Discussion about this post