Jowai: Ka seiñ kiwa kamai kari kawa tip kam ka Tourist Taxi Driver Ladrymbai to Kalain-Badarpur Association (TTDLKBA) ynne ka sngi da lai e yarap sñiawbha ko cha ki khonswet kiwa ri wa sumaar ka 7 Thyndai Child Care Institute Cum Counselling Center kawa em ha Tuber Kmaishnong hapoh i yahkhmat u President ka seiñ u Happy Sumer deiwa emlang leh ki dkhot ka Association.
Ha kani ka sngi da e sñiawbha cha kani ka Child Care Institute da 2 Set ki Dining Table, 2 tylli ki Room Dustbin wa ka song poisa wa kattu katni.
Da yoh leh yei klam wa tbian na u President u Happy Rymbai uwa da e kti ya song poisa kawa T. 5000 ha ka Secretary yong ka Seinraij Tuber Women’s Wing ka F. Ryngkhlem kawa man leh kawa yahkhmat kawa pynlai ya kani ka thaw ri khonswet.
Da yoh leh ya i e sñiawbha ya ki baam cha ki khynnah da u Vice President ka TTDLKBA u Emlang Siangshai.
Kamtæ ka TTDLKBA kam chibynta wow leh ya ki phang kiwa em ha ka riti krehkaam yong ka seiñ (Charitable Act) da pynman ya kani ka kaam wa khian dooh, da pyntip u Happy Rymbai.
Discussion about this post