Kawi ka manbei kawa pyrtuid ka Wanpyntgen Pale kawa kreh ha ka chnat PWD na ka chnong Modop Nartiang da e yarap ko kamwa mar T. 1000 cha ki 50 tylli ki manyung kiwa em hapoh ka chnong Modop Nartiang.
Chwa wow e yarap da em ka yalang wa tbian hapoh i yahkhmat u Hamkom Khynriam uwa man leh u Chairman Chnong chirup i emlang u Waheh Chnong, u Dawio Dkhar, Secretary Chnong, u Edressly Pale wa kiwi kiwi ki dkhot ka chnong.
U Dawio Dkhar hei klam da e khublei kyrpang u ya kani ka manbei kawa chynna jngai yei emkaam yarap kini ki 50 tylli ki manyung khamtam heini i por wa em kani ka khlam COVID-19 uwa da e leh i kitbok ya ka.
Neiliang ka Wanpyntngen Pale da ong ko wa ini i e yong ka cha ki khon ka chnong toh i kyrkhu u Blai ya ka ha i khih i kreh yong ka, da ong ko wa hanla ym toh ka bru kawa mahajon leh tangwa i mynsien yong ka dap i da i spah katwa kamtæ da kyntu ko wow pdiang ya ini i e yarap wa khian ya ki khon ka chnong khnang wow ye ki wow pynemkaam hawa emkaam.
