Ki Asha man ki kam ki bru wakreh haphrang dooh wow yakhun ya kani ka khlam COVID-19 ha jar jiar ki chnong yong ki nadooh wow chim yukheiñ wei wow e i batai hajrong ki kjut wa ha rukom cha ki paidbah.
Ynne ka sngi ka Dorbar Chnong Panaliar, Jowai da e yarap sñiawburom ko ya ki ar ngut ki Asha ka chnong kam ka dak wow ekhublei leh ya i chakri yong ki ya ki khon ka chnong.
Ha kani ka sngi da em ka yalang wa tbian ya kawa da pynlai da u Asst. Waheh Chnong, u Phrangsngi Challam, i klam sneiñ kyntu na u General Secretary ka chnong, u Careme Phawa wa ki kyntien e khublei na u Anewma Sumer.
Ya kini ki ar ngut ki Asha da e yarap da ka song poisa ya kawa da e sñiawbha da ki kattu katni ki khon ka chnong.
