U President ka Khliehriat Block Congress Committee u Deibormi Syad uwa man leh kam u uwi na kiwa kreh monsñiawbha ha East Jaiñtia Hills District uwa da jooh yarap cha ka imlang sahlang, da e biang u ya ki kti yarap cha ki manyung mansem kiwa dooh tam wa kiwa emkaam jhan yei yarap.
Ha ini i lai e yarap da e cha cha ki artylli ki manyung mansem yong ka Ngait Dkhar wa u Swill Dkhar naka chnong Musniang Heh. Ka Ngait Dkhar toh kawa tkhoh ha ka kti tidiang katwa u Swill Dkhar toh uwa dooh ya ka kjat timun.
Da saam cha kini ki artylli ki manyung da u khoo chi churia, u salah, u piat, chini, blooh wa kiwi de.
U Deibormi Syad hawa e yei klam da kyrpaad u ya ka sorkar jylla wow e ya ki laad yarap cha kam kini ki bru kiwa dooh wa kiwa dooh leh yaki bynta i doh i pran wei kiwa emkaam jhan sakhiat leh yei yarap katni.
