U MDC ka 21 Tuber Constituency uwa mam leh u Deputy CEM ka JHADC, u Lasky Rymbai da e yarap sñiawbha u da u khoo cha ki paidbah ka chnong Wapung Chnong, East Jaiñtia Hills District.
U Lasky Rymbai da e yarap u ya uni u khoo ha ka 7 tarik uni u bnai cha waroh ki manyung kam wow kyrchaan ya ki khamtam kam ha kini ki por wa em ka ka Lockdown wow yakhun ya ka khlam u COVID-19.
Neiliang ka Dorbar Chnong wa kiwa chong chnong yong ka Wapung Chnong dap ki dei sñiawngooh ya uni uwa mihkhmat uwa pait ya ki kup chiliang wei uwa yarap ha kiwa boon bynta yong ka chnong.
Ya uni u khoo, ka chnong da dep pynbait leh ya i rukom saam deiwa ekti bait ha kiwa pait yong ki jar jiar ki dong wow saam ya uni u khoo heiwa da em 8 tylli hapoh ka chnong.
Da kitbok kitrwiang ki leh ya u MDC wow yoh u dei chait i khiah da i sumaar u Blai Kynrad.
Discussion about this post