I hiar slap wa i haap phria ha kini ki sngi wa dep da pynpiah pynpai i ya kiwa boon ki yung ki sem yong kiwa dooh wa duk wa kup chiliang wa sem chiliang kiwa em ha chnong Saphai, West Jaiñtia Hills District.
I haap u phria wa heh da pynpai thlu u ya ki 19 tylli ki manyung ka chnong wei mar sien tip yeini wa jia, uwi na ki khon khynroo ka chnong Iooksi uwa tip kam u Fernando Sumer dei mynsiem wyrai ya ki para jan chnong, da lai e yarap u ya ki da ki tarpal khnang wow lait ki nei joo slap.
Kini ki 19 tylli ki manyung da e khublei ki ya uni u khynroo wa da yarap u ya ki ha i por wa ki emkaam bha ki.
Da ong ki leh wa lada em boon ngut kam uni u khynroo uwa em i mynsien wyrai kamjooh uwa smat u yarap ya kiwa em ha i dooh i duk, ka jaitbru yong i dang em kyrmen ko u lait na i dooh i jynjar ha ki sngi ki snem wa daw wan.
Da e ki leh ya ki ktien khublei kamjooh i ktien kitbok kitrwiang ya u ni u khynroo uwa da yarap ya ki.
