Jowai: U Heimon Tang uwa chong chnong ka Thadmuthlong, West Jaiñtia Hills District hadien wa yoh yutip u na ki waheh ka chnong wa em ki manyung wadooh waduk wa jynjar baam ha kini ki sngi wa pynman yaka Lockdown, neidaw wym yoh de ki u likhih likhan kamtæ ynne ka sngi dei mynsien sñiaw wyrai da mih u chakhmat wow e yarap da u khoo chaki 40 tylli ki manyung wa em ha Thadmuthlong-B.
Haka yalang tbian chwa wow saam ya u khoo neiliang u Juhhipaia Suchiang, Waheh Chnong Thadmuthlong-B pynsñiaw u ya i sñiawngooh ya uni u waheh wa nalor da jooh embynta u wow yarap ya kiwa boon i eh i khoo ka chnong, ha kani ka kynti won da mih u wow yarap ya kiwa dooh wa duk wa jynjar baam ha kam kini ki sngi.
U Heimon Tang hawa e yei klam da ong u wa nadooh ini wa dep da pyrchang u wow thooh ki lad ki luti yow yarap kat iwa joh wa jam u, kamtæ ynne ka sngi da man sakhiat i jop ya oo wa da yoh u saam ya uni u khoo.
Da emlang ha kani ka sngi nadooh u Secretary chnong, u Jerly Lyngdoh, u Koplangki Tang, u Driver Tang kiwa man kam ki waheh Dong ka chnong Thadmuthlong.
Discussion about this post