Ka chnong Deinchalalu kawa haap hapoh East Jaiñtia Hills District da pynsñiaw ko yei sñiawngooh chiboon ya u Kyrmen Shylla, MLA ka thaaiñ wa ya u Dr. Sankey Shangpung, MDC ka thaaiñ kiwa da e yarap wow pynchna pynmiat ya ka Deinchalalu Govt. LP School.
Kani ka skur toh kawa da chah ktah hei joor u slap waka la’ær ini wa dep heiwa da chah khyndang ki tin ka yung skur kamjooh kiwi ki bynta ka skur iwa da jia haka 28-04-22.
Kamtæ neiliang kiwa mihkhmat ka thaaiñ da e yarap ki da ki tin yow sap thymme ya ka yung skur.
Neiliang u Waheh Chnong, u Mewan Dkhar da pynsñiaw u yei sñiawngooh yei mynsien kyllooid u MLA wa u MDC wa i sñiawkhia yong ki neibynta kani ka skur kawa em kamwa 80 tam ki khynnah.
