Amlarem: U MDC ka 1-War East u Gillroy Tariang ynnin ka 9 tarik da yarap u na kata yong oo hi cha ki paaid yong ka Constituency yong oo da kamwa 300 churia u khoo wa 50 Kg ha ka chnong Pdengshakap ha yung Dorbar Chnong Pdengshakap.
U Gillroy Tariang MDC da ong u wa i toh u yarap i khamtam ya kiwa dooh wa duk ha kam ini i por kawa ki bru waroh maad ki yei eh na i wan ini i kjut khlam COVID-19 kawa da ktah lang ya i waroh kamjooh ka pyrthai waroh kawi.
U MDC da ong u leh wa ini i e yarap man ko i bor wa khian yong oo wow e yarap iwa pynhun ya oo kam uwa mihkhmat yong kani ka Constituency, wei da e u ka kti timun tidiang katwa ye khamtam ya kiwa dooh wa duk kiwa maad sakhiat yei chitom.
Ha kane ka sngi u Gillroy Tariang MDC da ekit u ya uni u khoo cha ki Committee yong ki chnong waphær waphær kiwa da wan wow mih ha kani ka sngi wow jied hi da ki yaki manyung mansem kiwa chem sakhiat yei chitom.
Discussion about this post