Ynne ka sngi u MLA ka UDP na Mowkaiaw Constituency u Nujorki Sungoh da e yarap u da u khoo cha kiwa kamai kari ka Constituency ya uwa da ekti cha ki seiñ kiwa kamai na ka thaaiñ da u President ka UDP, u Eleazer C Dkhar kam u kongsan.
Ha kani ka sngi da em ka yalang ya kawa da pynlai da u Deovolente Tang uwa man u President Mowtyrshiah Mowkaiaw Mukhap Laskein to Jowai Association.
Neiliang u EC Dkhar da pynsñiaw u yei thrang yong u MLA yarap ya kiwa kamai kari deiwa pyrkhat ya ka ram wa hap su ki hapyrdi wa em ka Lockdown.
Da ong u wa kam uwa mihkhmat em i sñiawkhia deiwa kwah u e yarap katwa joh i bor yong oo.
I yarap wa da e kynthup i ya u khoo, u dai wa i phñiang heiwa ki dkhot ki seiñ kamai kari da em ki 117 ngut katwa ya kiwa kamai na Saphai Iooksi to Jowai Association daw yoh yarap ko ha ka tayaw wow wan.
Ki seiñ kamai kiwa yoh yarap ynne kynthup ki ya ka Mowtyrshiah Mowkaiaw Mukhap Laskein to Jowai Association kawa em 35 ngut kiwa kamai.
Ka Raliang Mokyndeng Nongkynrih to Jowai Association 33 ngut, ka Sahsniang to Jowai Association 23 ngut, wa Laskein Block to Shillong Association 26 ngut.
Neiliang ki seiñ da kitbok ki ya u MLA wow yoh u i chait i khiah wei wow ye u wow e yarap wei wow chakri chooh ya ki paidbah.
