Jowai: Ki 5 ngut ki dkhot ka Meghalaya State Kickboxing Association (MKSA) kiwa na West Jaiñtia Hills kiwa lai yachim bynta ha ka WAKO India National Senior Kickboxing 2018, ka wow pynman ha Kolkata nadooh ka 2-5 Kmaichonglad (Dec), 2018 da yoh yarap poisa ki na u MDC ka Musniang-Rngad u Phasmon Dkhar ynnin ka sngi.
Neiliang u Phasmon da ong u wa da e yarap u hadien wa yoo u wa kiwa yalehke Kickboxing em sakhiat ki ka thrang mynsien wa i sap kiwa da wanrah burom ya ka jylla da boonsien wei kwah u pynchlur chooh chooh ya ini yow lait u sepai i sap yong ki.
Neiliang ka seiñ West Jaiñtia Association of Kickboxing (WJAK) kawa emlang leh kini ki 5 ngut na WJH, da e khublei ko ya u MDC uwa da yarap ya ki khynnah yalehke kat i bor wa ye u khamtam katni wa duna poisa kiwa lai chimbynta ha ki lympung waphær, kamtæ da kyrpaad leh ya kiwi ki para MDC kamjooh ki MLA na ri-loom Jaiñtia wow yarap kyllooid mynsien ya kini ki khynnah kamjooh ki bru wa maya Sport wow yarap lang ki ya kini ki khynnah.
Ka seiñ da pyntip ko wa kini ki khynnah da haap ki wow lai paan yarap poisa kamni man ki por neidaw wa ka chnat yalehke ka sorkar wym chimkhia ko ya ini wei ym em pynchlur ko ya ki kamtæ da chong ha ka seiñ wow pynchlur ya ki yow lait ki na ki kaam wa sih kiwa ye u psiah ha i rukom im yong ki.
Kini i 5 ngut na WJH kiwa lai chimbynta toh:
- U Bantei Sungoh na Shangpung Khliehrangnah
- U Pynshrainmiki Rabon na Shangpung Pohshnong
- Pynbaitwan-I Kanai na Shangpung Mission
- U Hame Shaniah Suiam na Shapung Mission
- Ioonis Mynsong na Ummulong Lumdienling
Discussion about this post