Ynne ka sngi, u Protasius Suiam uwa man u tre yong ka Tiachaphrang Higher Secondary School Sohkymphor, East Jaiñtia Hills da i sñiaw wyrai yei dooh baam yong ki para chong chnong ki yong oo kiwa duna i yoh i kot kam ha kini ki sngi wa em ka khang lut yei lai i wan wa i khih i khan.
U Protasius Suiam waka Liancy Suching ka kurim yong oo hanla psa ki ya ki 11 ngut ki khonswet kiwa lai skur ha kani ka skur yong ki, da i mynsien sñiawlem da e sñiawbha ki da u khoo 10kg chi yung cha ki 80 tylli ki manyung kiwa da kyrdooh kiwa em ha ka dong Mission yong ka chnong Sohkymphor.
U Protasius hawa leh ya ini da ong u wa ym ye de u wow pait du da ki khmat hawa ki para chnong yong oo ym yoh de ki wow thied khoo tang chisien chet leh, da ong u yaki wow pdiang sñiawbha katwa ye u wow e hanla ym yoh wow e chiboon.
U Protasius leh da pyntip u wa dang boon ki yung kiwa em hei kyrdooh hei baam ha ka chnong Sohkymphor wei da yooluti u wa lada dang em ka laad daw e u sa ya kiwi won ki yung ha ki sngi wow wan.
Discussion about this post