Ka Jowai Shillong Tourist Cab Association (JSTCA) ynne ka sngi lyngba i e yarap u MLA ka Jowai, u Wailadmiki Shylla, da saam mar baam ko ya ki dkhot ka seiñ kiwa em hapoh ka Jowai Constituency da u khoo wa katu katni ki marbaam.
Neiliang ka seiñ da ong ko wa la kamwa 2 bnai ym yoh de ki u kamai wei ini da wanrah i ya i eh i khoo ya ki khamtam heiliang i baam wei lyngba ini i yarap u MLA, da man i kam i kyrkhu wa khroo neibhah da yoh ki wow rah baam ya ki khon yong ki.
Ka seiñ da e khublei kyrpang ko leh ya u MLA wa da yarap sakhiat u ya ki heipor wa emkaam bha ki yei baam deiwa kitbok leh ya oo.
Chooh chooh ka seiñ da kular ko leh wow kreh chirup neibynta i miat i bha ya kiwa boon wa lang ka imlang sahlang hapoh ka Jowai Constituency.
