U MLA ka Jowai Constituency, u Wailadmiki Shylla da e yarap u cha ki manyung kiwa chah ktah ha ka æryong ha chnong Madur deiwa e da ki tin yung cha ki soo tylli ki manyung kiwa da chah ktah.
Neiliang ka Dorbar Chnong Madur da pynsñiaw ko yei sñiawngooh wei sñiaw burom ya u MLA uwa da chimkhia u e yarap cha ki manyung kiwa da chah ktah ha ka æryong hei miet ka 14 tarik uni u bnai heiwa i yung ka Rimika Hasem, ka Saiwol Bang, u Krel Suting wa ka Sah Gatphoh da chah khyndang ki tin yung ki.
Neiliang ka chnong Madur da kitbok kitrwiang ko ya u MLA uwa da e yarap smat pyn ynnin ka 17 tarik cha kini ki manyung kiwa da emkaam yarap smat.
“E wa u Blai kynrad u emlang u chirup wa phi yow nang ye chooh chooh phi u chakri ya ki kaam kiwa bha yong phi.”
Ya kani ka kyrwoh da pynlait da u Waheh Chnong ka Madur, u E. Siangshai.
