Ynne ka sngi ka National People’s Party Farmers Front, Jowai Block dei ya krehlang wei e kyrchaan u MLA ka thaaiň uwa man leh kam u Montri sorkar, u Wailadmiki Shylla, da ye u saam ya u symbe salah cha kamwa 200 ngut ki warep hapoh i yahkhmat yong u President, u La-ardawanki Ryngkhlem wa u Secretary, u Humphry Mukhim hei emlang u Jimmy Raul Kharmuti uwa man leh kam u State Executive Member ka National People’s Party Farmers Front Meghalaya.
Ha kani ka sngi hanla u Wailadmiki Shylla ym em yoh u wow emlang neidaw wa em ka dorbar, da phah u yei kyrkhu kyrdoh ya ki warep wa maya ka Jowai Constituency khnang wa u symbe salah daw yarap u ya ki warep wei wow man u leh uwa pynyoh nong yow pyndap pynbiang yeiwa emkaam ki.
Neiliang u Octomewot Lamin kam u kongsan da ong u wa ka Jowai Constituency toh kawa embhah dooh wow yoh ya uwa mihkhmat kam u Wailadmiki Shylla uwa pyrkhat wei kyruiň khmat cha ki warep wow thooh ki laad ki luti wow yarap wow kyrchaan ya ki ha waroh ki liang lyngba ka NPPFF Jowai Block.
Da ong u wa kani ka kaam yarap ya ki warep ye u man ka wym pu jooh jia hapoh jylla waroh kawi wei u man ko ka kam ka nongmuna ya ka NPPFF ka jylla.
Da kyrpaad u leh ya ki warep wow yakrehlang wa ka NPPFF wei wow pynsñiaw ki yei eh i khoo wei yei emkaam yong ki khnang wow ye u chakri ya ki hei rukom wa paka.
Discussion about this post