U Aibanlang Lyngdoh uwa na ka chnong Sutnga da e yarap u da ki Tin sap yung wa ki Solar Light kam i e sñiawbha Christmas cha ki manyung wa dooh ha ka chnong Mooshrot, West Jaiñtia Hills District deiwa emlang u Waheh Chnong u Romis Lamare, ki rangbah wa ki khynroo yong kani ka chnong.
Neiliang u Waheh Chnong hawa e i klam da e khublei wei kyrkhu kyrdoh ya u Aiban uwa da em i mynsien wa kyllooid wei uwa sbun uwa da yarap ya kiwa dooh wa duk hanla wan u na kawi ka thaaiñ leh.
Neiliang won u Justice Paul Lyngdoh uwa man leh u Education Secretary ka Khasi Student’s Union, Jaiñtia Hills District (KSU-JHD) ha i jooh i por da man u leh kam u Auditor yong katai ka chnong da pynsñiaw u yei sñiawngooh ya u Aibanlang Lyngdoh uwa da smat wow yarap ya kiwa dooh wa rangli ha ka thaaiñ deiwa wan nadooh na ka chnong Sutnga, East Jaiñtia Hills wa wot kiwa mihkhmat yong ki kiwa man ki tre na ka thaaiñ leh dang leh mylliñ nadooh ki MLA/MDC wow e yarap cha ki bru kiwa em ha ka thaaiñ kiwa em ha i kutlaad, kutluti.
