Jowai: Ka seiñ HANM da yaroh ko ya u montri ka tnat Disaster Management u Kyrmen Shylla yeiwa smat u pyllait poisa cha kiwa chah ktah ha u phria heiwa hadooh 273 tylli ki chnong wa 2500 tylli ki yung da chah pynjaed tympra ki ha ki 4 tylli ki District kiwa kynthup ya ka West Jaiñtia, West Khasi, East wa North Garo.
Ka seiñ leh da pyntip ko wa hapoh ka Constituency u Kyrmen Shylla da phah yarap u T. 20 Lak cha kawi ka District kawa lai lyngba u Deputy Commissioner.
Hajrong kani ka yurim neiliang ka HANM-East Jaiñtia Hills, lyngba ka kyrwoh na u President ka seiñ u Ency Shadap da e u ya ka yaroh wa kyrpang ya u Kyrmen Shylla MLA ka thaiñ hajrong kani ka nongmuna wa bha yong oo kam i sdang yong ka chakri yong oo ya ki paidbah ka jylla.
Waroh chi kattu ka EJHD man ko kawi naki District kawa sahdien tam ha waroh ki liang khamtam cha ki thaiñ nongkyngdong tangwa ha kani ka kynti ka HANM ka kyrmen skem ko lyngba kani ka sorkar thymme (MDA) u yoh wow maad ya i kylla ha waroh i liang khamtam cha ki thaiñ nongkyndong.
Discussion about this post