Ka HNYF Eastern Region da e yaroh ko ya ka Crime Branch ki pulit kamjooh leh ya ki pulit ka Khliehriat yei yaleh chitom yong ki wow thooh ya ki damok thrang snam wa chim yei mynsiem wa kordor yong ka Ebamon Siangshai ka khynnah skur yong ka Wapung Higher Secondary School kawa na ka chnong Pamrakmai heiwa da yoh kem ya uwi u damok wa suba emkti u tynyap ya ka Ebamon.
Ka HNYF da yooluti ko leh wa ki pulit daw chemdien ki leh lada em kiwi kiwa emkti ha ini i kaam yow lait kiwi leh u sñiaw chlur wow leh ya kam kini ki kaam.
Heijooh i por leh da kylli ka seiñ ya itu iwa jia kam ini i jooh ha chnong Sohkymphor wa neiyi i daw wa slem ki chnat pulit wow chemtre ya kitu ki damok wa tynyap dusmon ya kawi ka khynnah skur ha Sohkymphor boi wa em iyi iyi cha kylla.
