E yaroh ka JSM ya u DC ka EJH wa khut yalang u ya ki Waheh Chnong ka District

Jowai: Ka Jaiñtia Students’ Movement (JSM) lyngba ka khubor wa da pyllait da u Publicity Secretary ka seiñ u Skhembhalang Dkhar da yaroh ko ya U Deputy Commissioner ka EJH wa ki sahep wa da pynman yalang ko ya ki Waheh chnong wa ki Secretary Chnong ha Khliehriat West Community Hall ynne ka sngi 12 tarik.

Ha kani ka yalang da yaklam hajrong kiwa boon ki phang da ki sahep yong ki tnat waphær waphær ka district.

Da rai wow wanrah yei chongsuk wa yei roi i paar ha waroh kawi ka District deiwa yakrehlang chirup.

Ha kani ka yalang da wan kamwa 100 ngut kiwa yahkhmat ya ki chnong hapoh kani ka district.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki tnat waphær waphær hapoh ka District lyngba ki sahep da pynche ki hei yatoh wa ki scheme waphær waphær.

Da ong ko wa i klam na u DSP ka District da kyntu u ya kiwa em wow yakrehlang chirup wa ki pulit wow pynwiar jait ya ki kaam sih hapoh ka chnong ka thaw.

Kamtæ ka seiñ da ekhublei wei da e yaroh ko chiboon ya u DC ka East Jaiñtia wa ki sahep yong oo wa da pynman ki ya kam kani ka yachemlang.