Shillong : Neiliang ka seiñ Jaiñtia Students’ Union – Shillong Circle da ong ko wa dap ko dei mynsien wa sñiawngooh ya ka sorkar jylla wa da kular ko wow yarap ya kiwa chah ktah ha i jia wa sñiawsih ha chnong Khahnar heiwa da kylla kawi ka kari Pick-up wei da dooh ya 3 tylli ki mynsien wei da mynsoo hadooh 39 ngut.
“I e khublei i ya ka sorkar u Dr. Mukul Sangma wa kamjooh ya ki montri wa ki MLA kiwa da chimkhia wow e yarap cha ki yung ki sem kiwa da khlad kamjooh kiwa da mynsoo” da ong ka seiñ.
Da kyntu ko ya kiwa yah kari waroh wow husiar ki hawa yah kari khnang wow yait na kam kini kiwa jia neini chaphrang.
Heijooh i por ka seiñ da kyntu ko leh ya ka sorkar jylla wow paan yarap leh na ka sorkar bei wow e yarap ko ya kini kamwa da leh ya kiwa lai yaseiñ, heiwa da e T. 2 Lak cha kiwa khlaad wei T. 50 hajar cha kiwa mynsoo.
Kani toh ka khubor kawa da pyllait da u EC Dkhar, President JSU – Shillong Circle.
Also Read: Yap le ngut mynsoo 39 ngut kiwa lai thooh dawai khmat
Discussion about this post