E yaroh ki ar seiñ wa ka chnong Saba ya ka PWD wa da chna pynmiat ya u sarok

Jowai: Ki ar seiñ wa kynthup ya ka Jaiñtia National People Organization (JNPO) wa ka Indigenious Biodiversity Social Welfare Organization (IBSWO) wa kiwa chong chnong ka Saba, West Jaiñtia Hills da e khublei ki ya ka Public Work Department (PWD), heiwa da smat ko wow chna pynmiat (Repair) ya u sarok nadooh Barato hadooh Saba hadien wa kyrpaad kini ki ar seiñ ha ka 15 Naisan (May) 2017 ha yung krehkaam ka tnat ha Jowai.

“Ha ini i yachem kini ki ar seiñ ya u Executive Engineer ka Jowai North Division da kular u wow chna pynmiat ya uni u sarok katwa ye u” da ong ki ar seiñ.

Ini i kular u EE ka North Division Jowai, da man i iwa sakhiat neibhah da dep wow chna pynmiat ya oo ynnin ka 28 tarik.

I chah chkoor kiwa pait ya ka tnat yong ka sorkar da pynsuk biang ko ya kiwa chong chnong ka Saba wa kiwi ki jan chnong neibhah wa da ye biang ki kari u lai na oo wow lai kam cha Jowai, Laskeiñ wa kiwi ki chnong.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang ki ar seiñ wa kiwa chong chnong da e ki yei yaroh ki ya kani ka tnat kawa da kreh sakhiat yow pynsuk ya ki paidbah.

Da kyntu joor ki leh ya u MLA ka thaiñ wow chimkhia chooh chooh wow pynmiat ya uni u sarok.

Kani toh katkam ka khubor na u Vice President ka IBSWO u Sunny Bareh wa u Secretary ka JNPO u Banri Jungai.