E yaroh u National Secretary ka ST Morcha, BJP ya u Conrad yeiwa da ye u pyndam ya ka CAB

Jowai: U Hayithung Bill Lotha, National Secretary ka ST Morcha, BJP da yaroh u ya u Conrad Sangma yei chlur u wow yieñ u Conrad Sangma pyrchah ya ka CAB iwa da ye wow pynsahkut ya kani ka Bill hapoh Rajya Sabha.

U Lotha da ong u wa chwa wow mynjur ka Lok Sabha ya kani ka Bill haka 08-01-19 u Conrad wa kiwa yahkhmat ka AGP da yachem ki wa ki heh ka sorkar pyrdi yow pynsñiaw yei pyrchah ki ya kani ka Bill.

Hadien wa da mynjur ya kani ka Bill daka Lok Sabha da mih i pyrchah wa chyrkhei ha kylleiñ ka thaaiñ mihsngi da ong u Lotha wei u Conrad da chimkhia biang u ya ini i kaam lyngba ka sorkar MDA deilang wa u montri rangbah ka Mizoram u Zoramthanga da yachem ki wa u Union Home Minister u Rajnath Singh uwa da kular wow yachem wa waroh ki montri rangbah ki jylla ka thaaiñ mihsngi.

U Lotha da pynkynmoo u leh ya ka yalang wa chongknor da u Conrad Sangma ha Guwahati, Assam kawa da wan chimbynta ki 11 tylli ki seiñ saiñ hima kiwa chim ya ka rai wow yatylli wow pyrchah ya kani ka Bill wei wow pynsñiaw cha ka sorkar pyrdi ya ini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ u Lotha da sñiaw u wa ka CAB da tyngkooh ko hei chram hadooh wa ha ka Rajya Sabha ya ka CAB ym em de mih ko hapoh ka Agenda List kawa man khaddooh wow pynman dorbar ka sorkar pyrdi hadooh wow pyndep ya ka Election Lok Sabha.

Da e yaroh u ya waroh kiwa emkti lang wow yaleh pyrchah ya kani ka Bill khamtam ya u Conrad Sangma.