Ka JYF Central Body ha ka 23 tarik uni u bnai da e dotkhat ko ha u Chairman ka JHADC wow kyrpaad lyngba yong oo wow chimkhia u pynthymme ya ka Website yong ka Council kawa sah kamjooh nadooh ka 3.1.2019 .
Ka seiñ da ong ko wa i em yong ka Website daw yarap ko chiboon ya ki paidbah ka Ri-loom Jaiñtia wow tip ya i rukom krehkaam ka Council heijooh i por yarap ko ya ki paidbah wow tip ya kiwon kiwon ki wyrta kiwa ki paidbah em i hok ki wow tip.
Chooh chooh seiñ da ebuit ko ya ki kattu katni ki mat kiwa emkaam bha wa ka Council u leh smat ko neibynta i myntoi ka Council wa ya ki paidbah wa chong chnong.
Nyngkong da ong ko wa i pyntip paidbah heipor wa biang kam ya ki Tender, Notification, Employment, wa ka Council Proceedings; ha iwa ar won toh wow kynthup ya ki map ki Constituency, Elaka wa ki MDC na kitæ ki thaw.
Da ebuit leh wow em ya ka Dedicated Youth Corner, wow em ka Grievance Redressal Portal kamjooh ka e-service khnang wow ye u Download ya ki Form, wow pyndap License wa kiwi; heijooh i por leh wow pynyoo ya ki rukom im wa kyrpang ki paidbah ka Ri-Jaiñtia nadooh ki lehniam lehrukom, ki chaad ki put ki tem, ki parom, wa kiwi.
Khadooh da e buit wow sdang noh ya ka Online UPI Payment namo wow su poisa khlem pynemkaam de da ka poisa kot lyngba ka BHIM, Gpay, PhonePe, Netbanking wa kiwi ha ka Receipt Cell ka Council lada toh u su iwon iwon cha ka khnang wow suk ki paidbah.
Discussion about this post