Eh ya ki pulit wow lai pait ya ki kot ki sla kiwa kreh mylla, yeini u leh da ka chnat Labour

Ka KSU kawa da chah khut ynne ka sngi yow yachem wa u Montri Rangbah, u Conrad Sangma hadien wa da kynreh ko ya ki kot ki sla ki baar jylla kiwa wan kreh mylla heiwa ka sorkar da ong ko wa ini i leh ka seiñ da ktah ko yei kaam namo ki Project wa da pynkreh ko.

Neiliang ka seiñ da ong ko wa da dawa ko na ka chnat pulit wow lai ki cha ki thaw wa em i pynkreh wa em ki baar jylla yow pynsakhiat ya ki Work Permit.

Heiyatoh wa ini, u Conrad da ong u wa man iwa eh bha ya ki pulit wow leh ki yeini tangwa neiliang u Shakliar Warjri uwa emlang leh ha kani ka yalang uwa ma kam u Montri ka chnat Labour da ong u wa ka chnat ye ko wow leh yeini i kaam.

Related posts

Da wai ya ka Shooting Range wa em ha West Jaiñtia Hills hei lut wa ₹1.25 klur

November 5, 2026

Ka Nursing College wei pynku kyrdan ya ka Laskein kam ka Sub-Division toh kiwa emkaam bha: Conrad

November 5, 2026

Kam wow pynkynmoo wa ka KSU da ban joor ko yei emkaam ya ka Work Permit neibhah da em ka aiñ Inter-State Migrant Workmen (Regulation of Employment and Conditions of Service) Act, 1979 wa klam chaphang ini tangwa neiliang ka sorkar nadooh u Conrad wa u Paul Lyngdoh da ong ki wa em donhi ka Registration kawa ka KSU da kheiñ ko kam ka Work Permit.

U Paul da dep u wow pynche wa heipor wa man u kam u Montri ka chnat Labour, da dep pynkylla ya ka wa kiwa kreh mylla wa wan na baar ye ki wow sah 179 sngi donhi tangwa hap ki wow lai Register biang lym kamtæ hap ki wow mih noh.