Jowai: Ynne ka sngi ye ko u man ka sngi kawa sahkynmoo ya ka School Managing Committee (SMC) ka Mukhla Raij L.P/U.P & Secondary School heiwa ka ADB (Asian Development Bank) da ekti noh ko ya ka yung skur yong ka cha kani ka SMC.
Ya kani ka yung skur da e yarap na ka ADB hei dor wa T. 1 Klur 40 Lakh.
Kani ka skur toh kawa da chna leh lyngba i yarap ka sorkar pyrdi wow kyntu kynrong ya i stat i tip.
Ha kani ka sngi da emlang u Executive Engginer PWD (Building), u R. Sutnga, u R. Lyngdoh wa man kam u Research Officer, ka Steffi G. Blah wa man kam ka Monitoring Officer, ka Caroline Nonghuloo DCM (District Community Mobilizer), ka M. Pde wa man kam ka DSEO Jowai, u E. Lyngdoh wa man kam u Research Officer District Planning, West Jaiñtia Hills District, u B. Thabah u CBCS ADB, u S.A. Kharbteng wa man kam u Asst. Enginneer (DSC), u Jeff Rani Senior Monitoring Officer (ADB), u Pyrkhat Hing wa man kam u Contractor, ryngkat i emlang u Secretary ka School Managing Committee, u Arwist Lyngdoh, Chairman SMC, u Batskhem Sana, u Francis Lyngdoh, Headmaster Mukhla Raij L.P/U.P School, ka Heibha W. Pde Principal Mukhla Raij Secondary School, wa kiwi kiwi.
Discussion about this post