Ka Institute of Nuclear Medicine and Allied Sciences (INMAS), Delhi kawa man ka chnat hapoh yong ka DRDO, ynne ka sngi da ekti ko ya ka Rakshita, kawa man ka thuk-thuk kit wakjut namo ka Bike-based casualty transport emergency vehicle cha ka Central Reserve Police Force (CRPF) ha ka yalang wa da pynman ha CRPF HQ, New Delhi.
Ya kini ki thuk-thuk kit wakjut da ekti da u DS & DG (LS), DRDO, Dr. AK Singh ha u DG CRPF, Dr. AP Maheshwari, heiwa da kaweh lama ya ki 21 tylli kini ki thuk-thuk kam ka dak wa da chimkti ya ki.
Kini ki Bike Ambulance daw yarap ki ya ki chipai heipor wa emkaam jhan iwa ye leh wow yada ya ki mynsien ki chipai lada em ki hapyrdi i mynsoo. Daw yarap ki leh wow pynsmat wow kit ya kiwa mynsoo wa kiwa kjut heipor wa khynnia ki sarok neibhah ki kari Ambulance kiwa soo chaka rap slem ki lada em i khynnia kari ha sarok.
Ha ka Rakshita da booh leh ya ka pyllong wa ye u khylliap namo Reclining Casualty Evacuation Seat (CES), ya kiwa ye u pyndait wei wow looid katkam wa emkaam.
Da em leh ki bynta wow kdoh skem yei khlieh, yei doh waroh iwi nadooh ki kjat, ki kti kamjooh i thaw booh kjat iwa ye u pynchna katkam ka emkaam wa kiwi kiwi ki tiar sumaar.
Kani ka Bike Ambulance daw yarap ki leh ym du ya ki chipai tangwa wot ya ki bru paidbah leh kamjooh.
