Ekti ka Kur Nongkhlaw ha ka Hima Mylliem ya ki kot ki sla wa yatoh wa ka Them Iewmawlong

Jowai: Ka Kur Nongkhlaw da ekti ko ya ki kot ki sla wa yatoh wa i thaw wa heh kamwa 1000 Acre yong ka kur cha ka Hima Mylliem wow man ko kawa mihkhmat neibynta kini ki thaw kur wa kynthup ya i khyndaw kur wa em ha Them Iewmalong.

Ya kini ki kot da ekti ha u Acting Syiem ka Hima Mylliem, u Ainam Manik Syiem da ka Sonimai Nongkhlaw kawa man ka khon khaddooh ka beipun Smienty Nongkhlaw (wa da khlaad noh) ryngkat ki waheh ka Kur ha ka yalang wa da man ha yung krehkaam ka Hima.

Ini i e ka kur ya ki kot toh hadien wa ka Hima wow e ya ini i thaw ka kur ymtoh wow e mynkna namo wow dai dooh, tangwa yei thaw ha Them Iewmawlong da ekti nih wow pynlai da ka Hima neibynta i myntoi kiwa boon ki hajar.

Hawa klam ha ka yalang neiliang u montri ka Kur Nongkhlaw, u Iaineh Nongkhlaw da ong u wa kani ka kot pynsakhiat ko yei mantre ka Kur ya ka thaw wa em 1000 acre wa nadooh u Pillar 11 hadooh u pillar 21 wa kynthup ya ki bynta ka Iewduh, wa ka Them Iewmawlong.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Da ong u wa ha ka soskular wa soi hapyrdi ka Kur wa ka Syiem Bilat nadooh ka 8 Kmaichonglad (December) u snem 1863, ya iwa da tipmit da ka sorkar India wei wa ka dorbar daw pait bniah ko ya kini ki kot khamtam kiwa yatoh wa ka Them Iewmawlong.

Chooh chooh da ong u wa hadien wa da bichaar bniah ya ki kot ka Hima ryngkat wa ka KHADC daw hiar sylli ki cha kani ka thaw wa mantre Kur Nongkhlaw.

“I ymbien i wow embynta wa ka ka HLC wat lada ka khot leh,” da ong u montri ka kur Nongkhlaw.

U montri ka Nongkhlaw da yaroh u leh yei jngai i thij i pyrkhat ka beipun Smienty wa ka Sonimai Nongkhlaw kiwa smat wow ekti ya kani ka thaw cha ka Hima neibynta i bha i biang waroh lang.

Ha iwi i liang won neiliang u Paiem Ainam da yaroh u yei smat ka Kur wow e ya i thaw neibynta i bha i miat ki hajar ka Hima, deiwa ong leh wa daw pynkup burom leh ya ki da ka Hima ya ka Kur Kongkhlaw ha ka 7 tarik uni u bnai wow wan kawa man ka sngi pynlang ya ka dorbar bah ka Hima.

U Acting Syiem Ainam da pyntip u leh wa ha ka 12 tarik ka Minority Commission da phah hajir ko ya ka Hima Mynlliem hajrong ki kaam wa yatoh wa ka Them Iewmawlong, deiwa ong wa daw rah ya kini ki kot hakhmat ka Commission wow pynsakhiat yei mantre ya kani ka thaw.