Ekti ka sorkar India ya ka Nepal ya ar tylli ki thaw puræ wa da chna hei wa T. 4 klur tam

Ka sorkar India ynnin ka sngi da ekti ko ya ki ar tylli ki thaw puræ wa da chna sñiawbha ko kam ka laad yarap ya ka sorkar Nepal wei ya kini ki thaw puræ da chna ha Syangja District ka ri Nepal.

Kini ki ar tylli ki thaw puræ kynthup ki ya ka Tribhuvan Adarsha Multiple Campus wa ka Shree Bhupu Sainik Community Academy.

Ya ka Tribhuvan Adarsha Multiple Campus da chna ha i lut wa T. 4.41 klur ka poisa Nepal (Nepalese Rupees) wei ha kani ka thaw puræ daw esikai ya ki subject Humanities, Education wa Management.

Ka Shree Bhupu Sainik Community Academy toh kawa da chna hei lut wa T. 4.19 klur ka poisa Nepal wei ha kani ka thaw daw esikai ya ki khynnah nadooh Nursery hadooh Class 12 wei ye ko u pdiang hadooh kamwa 690 ngut ki khynnah wei kamwa 47% na ki toh ki kynthai.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Ha kini ki ar thaw da chna ya ki kamra man class, ka library, ka kamra krehkaam (office room), ka computer laboratory, jar jiar ki thaw mihlait ya ki chynrang wa kynthai wa kiwi kiwi.

Ini i e yarap ka India ya ka Nepal man i iwa chibynta yong ka T. 233 Klur wa da e cha ka sorkar Nepal wow wanrah ya kiwa boon ki kaam pynroi wa kynthup ya ki sarok, wow chna yung, ki thaw puræ kiwa da chah tympiah tympra ha u khmibah ka Nepal ha u 2015.