Jowai: Kiwa synchaar chnong ka thaiñ War-Jaiñtia wa kynthup ya President ka Synjuk ki Rangbah Shnong, u Kolmen Pohshna, u General Secretary ka CCIB, u Kmen Myrchiang wa u Waheh Chnong ka Amlanai, u Thomlin Surong ryngkat kiwa pathai khubor da lai pait ki ya ki thaw wa ki dkhar Bangladesh jooh wan tooh moo wa ki dieñ i kiwa em ha ka chnong Amsku wa Rhongkum, West Jaiñtia Hills.
Ha ini i lai pait da chem wa ki dkhar Bangla da wan khloh ki ya ki moo wei da tooh ki leh ya ki dieñ kwai kiwa em ha kani ka thaw. Ini i wan ki dkhar toh ha ki bnai lyiur wa dang kmai um wei jooh wan ki da ki spah tylli ki lieñ wow kit ya kini ki moo dei miet.
U Kmen Myrchiang da ong u wa ha u wa ha u Naiynñiaw joor bha i wan ki nong Bangla wow wan tooh ya ki moo wei hei ong ki tre chnong toh neidaw wa elaad ki chipai BSF ki wym jooh leh iwon iwon hawa yoo ki yeini hanlada kini ki bru wan psiah tooh ki chapoh u pood u ang ka Ri India, deiwa pynrap leh wa ki chipai BSF yoh poisa ki na kini ki bru.
Heijooh i por da ong wa neiliang yong ka CCIB da yachem ko boonsien wa u commandant ka BSF tangwa neh i du ha i yaklam donhi wei neiliang yong ka CCIB daw thoh ko leh cha ka tnat kaam pohyung ka ri India hei yatoh wa ini.
Discussion about this post