Shillong: Ka sorkar Meghalaya lyngba ka chnat Labour da yoh ko 10, 287 tylli ki application na kiwa chong chnong ka jylla kiwa sahkut cha kiwi won ki bynta ka ri India, neidaw ka khang chnong wow yada nei poor u khñiang khlam COVID-19.
Hawa pyntip ya ini ynne ka sngi, u Symbood Montri Rangbah ka jylla, u Prestone Tynsong da ong u wa ka sorkar katni dang bichaar bniah ko yaki kot ki sla yong kitu kiwa toh hok wow yoh ya ka yarap na ka sorkar iwa chisien e, kawa man T.3000 samen.
Da ong u wa hadien wa dep wow bichaar bniah, ha kani ka tayaw hi, ka sorkar daw pynlait noh ko yaka poisa cha waroh kiwa toh hok wow yoh wa kynthup ya kiwa lai puræ wa kiwa lai kreh.
Da ong u leh wa ini i yarap wa ka sorkar e ko man i kam i dak wa ka jylla emlang ko wa waroh kiwa chong chnong kiwa em cha baar, ha ini i por wa em i eh.
Ha i jooh i por, u Prestone da ban biang u wa waroh kiwa chong chnong kiwa em cha baar ka jylla wow man ki kiwa yaichah wei ym pu boi kwah liwan smat ha kam ini i por hanla em ki hei eh leh.
Discussion about this post