Ha jylla em 10,293 ngut ki bru wa em ya u khñiang kjut HIV/AIDS wa chah sumaar Antiretroviral Therapy (ART) ha Meghalaya hadooh u January 2026, iwa boon dooh ha ka ri.
Yeini da ong u Health Minister, u Wailadmiki Shylla hawa jubab yeiwa kylli ka MLA ka Gambegre, ka Mehtab Chandee A Sangma ha Assembly ynne.
Da pyntip leh wa kiwa yap wa em ya uni u khñiang em ki 749 ngut wei boon dooh toh ha East Khasi Hills – 435 ngut, West Jaiñtia Hills – 123 ngut wa East Jaiñtia Hills – 90 ngut.
Kiwi ki District kynthup ki ya ka Ri Bhoi – 51 ngut, Eastern West Khasi Hills – 16 ngut, West Khasi Hills -8 ngut, South West Khasi Hills -7 ngut, West Garo Hills -9 ngut, East Garo Hills – 4 ngut, South Garo Hills -3 ngut, North Garo Hills -1 wa ka South West Garo Hills -2 ngut.
Da khana u wa kini kiwa yap toh wa yoh ki deilang wa kiwi ki kjut wei ymtoh na uni u khñiang.
U Montri da kyntu u ya kiwa chah ktah wym toh u tieñ ki neibhah katni em i dawai wa ye u yarap ya ki wow im ki kam kiwi.
Discussion about this post