U Dr. H. Lalthlangliana, Deputy Commissioner, Kolasib District, Mizoram da kyrpaad u ya ki paidbah ynne ka sngi wow yait nei lai cha ki thaw khappood wa em ki pulit yow lait wow mih iwon iwon i awri awra.
U DC da khana u wa da em iwa jia ynne i step synyaw ka 17 tarik heipor 2:00 waje ha Aitlangpui, iwa em hajan Bilaipur, heiwa da em iwa siat ki pulit ka Assam ya ki 3 ngut ki Mizo kiwa da em ha itai i thaw yow yachem wa u bru wa tip kam u ‘Nibus’ uwa chong chnong ka Bilaipur, hadien wa khut u ki. Uwi na kini ki bru uwa da mynsoo uwa da yoh u yut, da sumaar wei da pynlait pyn ynne i step naka PHC, Vairengte.
U Dr. H. Lalthlangliana da pynsñiaw u yei sñiawsih cha u DC ka Hailakandi ya ini i leh ki pulit ka Assam deiwa siat ya ki bru paidbah deiwa kypaad leh wow pynchitom ya u Nibus, ya ini iwa leh u wow phon ya ki 3 ngut ki Mizo chajan ka Police Duty Post, iwa da booh hei maa yei mynsien yong ki.
U DC ka Kolasib da ban joor u ha ki paidbah wym toh u lai cha ki thaw khappood kamjooh wym toh u pynpoor ya ki khubor thok iwa da ye wow kynaad chooh chooh ya i kaam.
