Ha ka mukotduma PIL wa da yaleh da u Champer M. Sangma kawa da chong bichaar da ka High Court ka Meghalaya ynnin ka sngi, neiliang u Champer da ong u wa i tih wei chalan mooyong pyrchah ya ka aiñ dang pteiñ bait i hapoh ka jylla wei ini wa dep da em ar ngut kiwa tih mooyong kiwa na Assam wa da yap ki ha South Garo Hills District tangwa ym em mih khubor i.
Yeini da pynsakhiat u leh na u SP ka District na Assam wa wan kini ki bru tangwa u SP ka South Garo Hills won ym em bien u wow jubab hawa Phone cha oo.
Chooh chooh u Champer da ong u wa em u leh ki Video wow pynyoo wa tih wei chalan mooyong pyrchah ya ka aiñ wei daw wanrah u ya kini waroh hapoh ka yung bichaar. Kamtæ ka yung bichaar da ong ko toh u emlang wa u sahep sorkar yow jubab yeiwa da pynyoo hapoh ini i Video.
Neiliang uwa yaleh mukotduma da khana u leh yei pyrtuid uwa emkti ha kini ki kaam pyrchah aiñ wei ka yung bichaar da phah ko leh ya ka sorkar jylla wow chimkhia yeini deiwa pynchitom katkam ki kyndon ka aiñ.
Ya kani ka mukotduma daw chong bichaar biang ha ka 04-07-23.
