Jowai: U Asst. Inspector General of Police (A) ka jylla, u GK Iangrai da pyntip u wa hajrong ki khubor wa mih heiyatoh wa kiwa yoh COVID-19 hapoh jylla, da pynche u wa ym em ki pulit hapoh West Garo Hills wa yoh ya u COVID-19 wei em du uwi u pulit ka jylla wa man Positive.
Uni u pulit toh uwa em ha Khliehriat, East Jaiñtia Hills uwa dang wan na West Garo Hills wei da leh u ya ki Screening katkam ki kyndon.
Hadien wa leh ya ka RTK Test waka RT PCR Test da chem wa da yoh u ya uni u khñiang.
Da pyntip leh wa uni u pulit dang em u hapyrdi i chah sumaar wei da phah leh ya waroh ki pulit ha ki District wa ki Unit wow bood ki thij ya ki kyndon wa da booh neipor cheipor.
