Shillong: Ynne ka sngi da pynman ya ka esikai kawa tip kam ka One Day Technical Workshop on Post Harvest Management and Marketing Linkage on Coffee namo ka esikai heiwa kammon u pyllai yaaw ya ki mar hadien wa dep khait khamtam ya u Coffee.
Ya kani ka esikai da pynman ha SMELC, Dakopgre Tura heiwa da pynman ya ka da ka Coffee Board, Government of India, Ministry of Commerce and Industry, Meghalaya Basin Development Authority chirup wa ka Soil & Water Conservation Department, Government of Meghalaya.
Ha kani ka sngi u Deputy Commissioner, West Garo Hills u Pravin Bakshi da man u kam u kongsan heiwa da pynsñiaw u yei mynsien wa kmen wow yoo wa em kiwa rep Coffee ha kani ka thaiñ.
Da ong u leh wa u Coffee da khut ya oo kam u Brown Gold wei ka yaaw yong oo chong ko ha u jait Coffee wa rep ki bru.
U Dr. V R G Gowda, Joint Director (Extension) Coffee Board, Ministry of Commerce and Industries, da ong u wa da sdang ya ka Coffee Board ha ka thaiñ nadooh u snem 1997 heiwa ya uni u mar chong ha i rukom man i thaw wa i suiñbneiñ. Da ong u leh wa ya u coffee da rep leh kiwi tawon ki jylla ka thaiñ mihsngi kam ha Mizoram, Nagaland, Assam, Meghalaya wei em hadooh 1700 ngut kiwa rep coffee hapoh Meghalaya donhi.
U Director NRM, Meghalaya Basin Development Authority (MBDA), Meghalaya Shillong, RRBR Thabah da ong u wa ka thong yong kani ka esikai toh wow wanrah lang ya kiwa rep ha iwi i thaw.
U Dr. T N Gopinandhan, Bio-Chemist, CCRI, Coffee Board, Karnataka da batai u wa kammon u rep ya u Coffee wa miat katwa u Webstar D Shira da batai u chaphang i eh i khoo wa yachem kiwa rep.
Kiwi kiwa klam ha kani ka sngi toh u Gautam Chakravarty, OSD, NRM, MBDA, Shillong, Daniel Ingty, Director, Western Zone MBDA, Dharmendra Das, kiwa mihkhmat na ka Spices Board, ki sahap ka Divisional Forest Office (Wildlife), Soil & Water Conservation, Coffee Board wa kiwi kiwi.
Discussion about this post