Ka seiñ Hynniewtrep National Liberation Council (HNLC) da beiñ ko ya ka chnat pulit kawa da phah hajir ya ki heh ki seiñbhalang yow kylli takit ya ki heiyatoh wa ki kaam ka HNLC.
Ha ka kyrwoh wa da phah da u General Secretary uwa man leh kam u Publicity Secretary, u Sainkupar Nongtraw da ong u wa heipor wa u Champion Sangma uwa jooh man kam u DSP wa kiwi de ki pulit yut ki yow seiñ ya ka GNLA, ym em chah hajri kiwi ki heh pulit, kamtæ yahaap hi mo wow phah hajir ya ki heh seiñbhalang lada em ki dkhot ki kiwa psiah cha ka HNLC dei mon wa laitlooid yong ki.
Da pdiang u leh wa em hi ki dkhot seiñbhalang kiwa emyatoh waka HNCL tangwa ym em mut wa waroh kawi ka seiñ wei kam ka seiñ ym thok ko wa lada em ko ki dkhot kiwa man kam ki seiñbhalang næ ki bru samen.
Da e nongmuna u ya u Tarsan Lymba u wym emkti wow tympdung Bomb IED ynnin u snem tangwa da chah kem u khlem ka sabut wei ini wa leh ki pulit daw ktah ko yei pyrkhat pyrdaiñ kini ki bru hadien ha bood.
Chooh chooh da ong u wa da em ki por wa kem ki pulit ya kiwa suba kam ki dkhot ka HNLC iwa da yah chei yap ka kurim ki neidaw wa khyrngiat klong snaam wei em kiwa da man kam kiwa da biej du na ini i daw. Tangwa ka seiñ ym jooh em pynhiar tput ko deiwa rahbor ya ki pulit manda leh ki kamni.
Da ong u wa ki pulit toh u pynlut ki yei bor wow pait yei roi i drugs heithaw wow kem ya ki khynroo khlem da biang ka sabut.
Discussion about this post