Em iyi iyi cha lyndet wa kem ya u President ka NEHUSU: JSU

Ka Jaiñtia Students’ Union (JSU) Central Body da beiñ joor ko yeiwa chah kem u Sandy Sohtun, u President ka NEHUSU hadien wa ujor uwa sikai kani ka skurbah wa chah dat u ha uni u heh ka seiñ.

Ka JSU da ong ko wa da yoo ko yei kynrum kynram ha kani ka skurbah nadooh u 2024 heiwa ki khynnah hapoh i yahkhmat ka NEHUSU da chah thngan ki wow dawa kyrriah ya u Vice Chancellor kani ka skurbah, u Prof. PS Shukhla.

Ka seiñ da ong ko leh wa katwa dang lai ki sngi ka JSU da yoo ko wa i kynrum kynram ha NEHU dang mih pyrthai i wei i pharep ya u Sandy Sohtun man iwa em iyi iyi cha lyndet wei iwa ymye u pdiang. 

Related posts

E yarap u Wailadmiki Shylla cha ki 200 ngut ki warep

February 18, 2026

Daw pyrchah ka VPP ya ka Report ka Expert Committee lada ym biang ko

February 18, 2026

Chooh chooh da ong oa i naam i burom kani ka skurbah dang hiar i kat dang lai ki sngi wei ymtoh wow mylliñ wa ka NEHU da pynmih ko ya kiwa boon ki khroo pyrkhat na ka thaaiñ wei katni won da kem ya ki khynnah wa dawa donhi yei hok yong ki.

Da kyntu leh ya ka sorkar wow chimkhia hajrong ini i kaam wei wow thung da ka takit wa laitlooid hajrong ini i kynrum kynram wei heithaw wow phah pulit chapoh ka skurbah toh u phah cha khappood.